сауытты танк техникасы

(Бронетанковая техника)

сауыт қорғанышы бар, түрлі класты ұрыс машиналарынан тұратын әскери техника. Сауытты техникалардың негізін танкілер құрайды, сонымен бірге С.т.т-на жаяу әскери ұрыс машинасы (ЖҰМ), БТР, барлау машинасы, басқару машиналары жатады. Танкілердің және солардың базасында жасалатын машиналардың сауыт қорғанышы — снарядқа қарсы, ал басқа машиналардың сауыты оққа, жарықшаққа қарсы болып табылады. С.т.т. машиналарының қару-жарағы оқпанды артиллерия, пулеметтер, отатқыштар, ракеталық қарулар. С.т.т. машиналары экипажды жаппай жою қаруынан қорғау үшін гермитизацияланады және сүзгілі-желдеткіш қондырғылармен жабдықталады. Олар шынжыр табанды және дөңгелекті болып бөлінеді. С.т.т. машиналарының көбі жүзбелі, кейбірі авиатранспортабельді.